திரையுலகின் உண்ணாவிரதத்திற்கு தமிழக சட்டசபையில் வாழ்த்து

சென்னை: தமிழ்த் திரையுலகினர் ஒன்று திரண்டு சென்னையில் நடத்திய உண்ணாவிரதப் போராட்டத்திற்கு தமிழக சட்டசபையில் இன்று வாழ்த்து தெரிவிக்கப்பட்டது.

சட்டசபையில் இன்று பேசிய தேமுதிக தலைவரும், நடிகருமான விஜயகாந்த், உண்ணாவிரதப் போராட்டம் குறித்துக் குறிப்பிட்டார். திரையுலகினர் நடத்தும் இந்தப் போராட்டத்திற்கு சட்டமன்றம் தனது வாழ்த்துக்களைப் பதிவு செய்ய வேண்டும் என்று கோரினார்.

அதற்குப் பதில் அளித்த நிதியமைச்சரும், அவை முன்னவருமான க.அன்பழகன், தமிழர்களின் உரிமைகளை நிலைநிறுத்துவதற்காக உண்ணாவிரதப் போராட்டத்தில் ஈடுபட்டுள்ள தமிழ்த் திரையுலகினருக்கு அவையின் சார்பில் வாழ்த்து தெரிவிப்பதாக குறிப்பிட்டார்.