தமிழகத்தில் 1 கோடி வாகனங்கள்: விபத்தில் பலி 12,000

சென்னை: தமிழகத்தில் ஓடும் வாகனங்களின் எண்ணிக்கை 1 கோடியை தொட்டுள்ளது. கடந்த ஆண்டு சாலை விபத்துகளில் 12,000 பேர் பலியாகியுள்ளனர்.

தமிழ்நாட்டில் 2007-08 நிதியாண்டில் கடந்த பிப்ரவரி மாதம் வரை 6,90,473 போக்குவரத்து வாகனங்கள் உள்ளன. 82,04,528 இருசக்கர வாகனங்கள் உள்ளன. மற்ற வாகனங்களின் எண்ணிக்கை 10,93,867ஆக உள்ளது. மொத்தம் 99,88,868 வாகனங்கள் உள்ளன.

இது கடந்த 2006-07 நிதியாண்டில் இருந்ததைக் காட்டிலும் 9 லட்சம் வாகனங்கள் அதிகம்.

வாகனப் பெருக்கத்துக்கேற்ப போக்குவரத்து நெரிசலும், விபத்துகளும் அதிகரித்துவிட்டன.

கடந்த ஆண்டில் மட்டும் 59,140 சாலை விபத்துகள் நடந்துள்ளன. இதில் 12,036 பேர் உயிரிழந்துள்ளனர். இதற்கு முந்தைய ஆண்டில் நடந்த 55,145 விபத்துகளில் 11,009 பேர் பலியாயினர் என்பது குறிப்பிடத்தக்கது.