கர்நாடக தடையால் தமிழ் திரையுலகுக்கு ரூ. 2 கோடி நஷ்டம்

சென்னை: ஓகேனக்கல் விவகாரத்தில் கர்நாடகத்தில் தமிழ்ப் படங்களுக்கு தொடர்ந்து தடை விதிக்கப்பட்டுள்ளதால் தமிழ் திரையுலகுக்கு இதுவரை ரூ. 2 கோடி நஷ்டம் ஏற்பட்டுள்ளது.

இது குறித்து வினியோகஸ்தர்கள் சங்க தலைவர் கலைப்புலி ஜி.சேகரன் கூறுகையில்,

கலவரம் காரணமாக நிறுத்தப்பட்ட சண்டை, அஞ்சாதே, தோட்டா ஆகிய படங்கள் மீண்டும் திரையிடப்படவில்லை. மேலும் கடந்த வாரம் வெளியான யாரடி நீ மோகினி படத்தை கர்நாடக வினியோகஸ்தர்கள் யாரும் வாங்கவில்லை.

அதே போல நேற்று திரைக்கு வந்த சந்தோஷ் சுப்பிரமணியம், நேபாளி, தோழா ஆகிய படங்களையும் கர்நாடக வினியோகஸ்தர்கள் வாங்கவில்லை.

இதுவரை இதனால் தமிழ் திரையுலகுக்கு ரூ.2 கோடி நஷ்டம் ஏற்பட்டுள்ளது என்றார்.