கோழிக்கோடு-மும்பைக்கு கோவை வழியாக விமானம்
கோவை: மும்பையில் இருந்து கோழிக்கோடுக்கு கோவை வழியாக ஏர் இந்தியா விமான சேவையை துவக்கியுள்ளது. இந்த சேவை கடந்த இரு வாரங்களுக்கு முன் துவங்கியது.
ஐ.சி. 157 என்ற இந்த விமானம் தினமும் காலை 8.55 மணிக்கு மும்பையில் இருந்து புறப்பட்டு, 10.45 மணிக்கு கோவை வந்தடைகிறது. அங்கிருந்து 11.25 மணிக்கு புறப்பட்டு 11.55 மணிக்கு கோழிக்கோடு சென்றடைகிறது.
அங்கிருந்து (ஐ.சி. 158) பகல் 1 மணிக்குப் புறப்பட்டு 1.30க்கு கோவை வந்து சேர்கிறது. 2.10க்கு கோவையிலிருந்து புறப்பட்டு பிற்பகல் 3.55 மணிக்கு மும்பை சென்றடைகிறது.
இந்த விமானம் கடந்த மாதம் 30ம் தேதி முதல் இயக்கப்பட்டு வருகிறது.
ரத்து:
இந் நிலையில் டெல்லியிலிருந்து மும்பை, கோவை வழியாக கோழிக்கோடுக்கு இயக்கப்பட்ட ஏர் இந்தியா விமானம் (ஐ.சி. 657), சென்னையிலிருந்து கோவை, கொச்சி வழியாக ஷார்ஜாவுக்கு இயக்கப்பட்ட விமானம் (எண்- ஐ.சி. 975) ஆகியவை மார்ச் 30 முதல் ரத்து செய்யப்பட்டுவிட்டன.