டெல்லியில் தேமுதிக அலுவலகம்: மே 4ல் விஜயகாந்த் திறப்பு

சென்னை: தேமுதிக டெல்லி மாநில தலைமை அலுவலகத்தை வரும் மே மாதம் 4ம் தேதி அக்கட்சியின் தலைவர் நடிகர் விஜயகாந்த் திறந்து வைக்கிறார்.

கரோல் பார்க் அஜ்மால்கான் ரோட்டில் இந்த அலுவலகம் அமைந்துள்ளது.

டெல்லி மாநில தேமுதிக பொருளாளர் கே.பி. ஈஸ்வரன், டெல்லி மாநில துணை செயலாளர்கள் நாகராஜ், மாணிக்கம், இளவரசன், ராஜாராம் ஆகியோர் முன்னிலையில் இந்த விழா நடைபெறுகிறது.

இந்த திறப்பு விழாவில் கட்சியின் தலைமைக் கழக, மாநில, மாவட்ட, நகரம் உள்ளிட்ட அனைத்துக் கிளை நிர்வாகிகளும் கலந்து கொள்ள வேண்டும் என்று பொதுச் செயலாளர் ராமுவசந்தன் வெளியிட்டுள்ள அறிக்கையில் தெரிவித்துள்ளார்.