புதுச்சேரி தொகுதிகள் சீரமைப்பு கூட்டம்-அதிமுக புறக்கணிப்பு

புதுச்சேரி: புதுச்சேரியில் சட்டமன்றத் தொகுதிகளை மாற்றியமைப்பது குறித்து தேர்தல் அதிகாரியும் மாவட்ட கலெக்டருமான தேவநீதி தாஸ் நடத்திய அனைத்துக் கட்சிக் கூட்டத்தை அதிமுக புறக்கணித்தது.

இது குறித்து அதிமுகவினர் கூறுகையில்,

ஒவ்வொரு கட்சியின் சார்பிலும் 2 பிரதிநிதிகளைத் தான் தாஸ் அழைத்தார். ஆனால், திமுக சார்பில் 20 பேர் அங்கு வந்தனர். அவர்கள் அனைவருமே கூட்டத்தில் அனுமதிக்கப்பட்டனர்.

இந்தக் கூட்டம் விதிமுறைப்படி நடக்கவில்லை. எனவே புறக்கணித்துவிட்டோம் என்றனர்.