விரைவில் மானாமதுரை-விருதுநகர் அகல பாதை பணி

மானாமதுரை: மானாமதுரை-விருதுநகர் அகல ரயில் பாதை பணி விரைவில் தொடங்கப்படும் என்று ரயில்வே அதிகாரி தெரிவித்தார்.

மானாமதுரை-விருதுநகர் வரை உள்ள 65 கி.மீ. தூரத்தை அகல ரயில் பாதையாக மாற்ற ரயில்வே பட்ஜெட்டில் ஒப்புதல் வழங்கப்பட்டுள்ளது. இதற்காக தனியார் கட்டுமான நிறுவனம் மூலம் பணிகளை தொடங்க ரயில்வே நிர்வாகம் நடவடிக்கை மேற்கொண்டு வருகிறது.

இந்நிலையில் ரயில்வே கட்டுமான பொறியாளர் ராஜேந்திர பிரசாத் தலைமையில் வந்த குழுவினர் மானாமதுரையில் இருந்து டிராலி மூலம் அருப்புக்கோட்டை வரை சென்று ஆய்வு செய்தனர்.

பின்னர் ராஜேந்திர பிரசாத் கூறுகையில், மானாமதுரை-விருதுநகர் திட்ட பணிகள் விரைவில் தொடங்கப்படும். இந்தப் பாதை அமைந்தால் தென் மாவட்டங்களுக்கு செல்ல இரு வழி பாதை கிடைக்கும் என்றார்.