அவரசமாய் தரையிறங்கிய சென்னை-டெல்லி விமானம்

சென்னை: சென்னையில் இருந்து டெல்லி சென்ற விமானத்தில் திடீரென கோளாறு ஏற்பட்டதால் அவசரமாக தரை இறக்கப்பட்டது.

மீனம்பாக்கம் காமராஜர் உள்நாட்டு விமான நிலையத்தில் இருந்து நேற்று முன்தினம் இரவு 10.30 மணிக்கு 142 பயணிகளுடன் டெல்லிக்கு தனியார் விமானம் புறப்பட்டுச் சென்றது.

விமானம் பறக்க தொடங்கிய சில நிமிடங்களில் அதில் இயந்திர கோளாறு ஏற்பட்டது. இதையடுத்து அந்த விமானம் சென்னை விமான நிலையத்தில் அவசரமாக தரையிறக்கப்பட்டது.

இதையடுத்து சில பயணிகள் கட்டணத்தை திரும்ப பெற்றுக் கொண்டு சென்றனர். மீதமுள்ள பயணிகள் நேற்று வேறு விமானத்தில் டெல்லிக்கு அனுப்பி வைக்கப்பட்டனர்.