ரஷ்ய அதிபராக மெத்வதேவ் பதவியேற்பு

மாஸ்கோ: ரஷ்ய அதிபராக டிமிட்ரி மெத்வதேவ் இன்று பதவியேற்றார். கிரெம்ளினில் உள்ள செயின்ட் ஆண்ட்ரூ ஹாலில் பதவியேற்பு விழா கோலாகலமாக நடைபெற்றது.

ரஷ்ய அதிபர் பதவிக்கு நடந்த தேர்தலில் பதவியிலிருந்து ஓய்வு பெறும் விலாடிமிர் புடினின் ஆதரவு பெற்ற மெத்வதேவ் வெற்றி பெற்றார். இதையடுத்து இன்று அவர் பதவியேற்றார்.

முன்னதாக அதிபர் தேர்தலில் வெற்றி பெற்றது தொடர்பான அதிகாரப்பூர்வ சான்றிதழை தேர்தல் ஆணைய தலைவர் விலாடிமிர் சுரோவ், மெத்வதேவிடம் நேற்று வழங்கினார்.

பதவியிலிருந்து ஓய்வு பெறும் புடின், மே 8ம் தேதி பிரதமராக பதவியேற்பார் என எதிர்பார்க்கப்படுகிறது. மேலும், ஐக்கிய ரஷ்ய கட்சியின் தலைவராகவும் அவர் பொறுப்பேற்கவுள்ளார்.

முன்னதாக திங்கள்கிழமை நடந்த கடைசி அமைச்சரவைக் கூட்டத்தில் புடின் கலந்து கொண்டார். ரஷ்ய அரசுக்கும், கிரெம்ளினிக்கும் இடையே நல்ல ஒத்துழைப்பு நிலவ பாடுபடப் போவதாக அவர் அக்கூட்டத்தில் தெரிவித்தார்.

பதவியேற்பின்போது, அதிபர் பதவிக்கான அதிகாரம், அதிபருக்கான கொடி, ரஷ்ய அரசியல் சாசனச் சட்டத்தின் பிரதி உள்ளிட்டவற்றை
மெத்வதேவ் பெற்றுக் கொண்டார்.