புதுச்சேரி முதல்வரை மாற்றக் கோரி 5 அமைச்சர்கள் டெல்லியில் முகாம்

புதுச்சேரி: புதுச்சேரி முதல்வர் ரங்கசாமியை மாற்றக் கோரி 5 காங்கிரஸ் அமைச்சர்கள் டெல்லியில் முகாமிட்டு கட்சித் தலைமைக்கு நெருக்கடி கொடுத்து வருகின்றனர்.

ரங்கசாமிக்கு எதிராக இந்த அமைச்சர்கள் கோஷ்டி அரசியல் நடத்தி வருகின்றனர். நீண்ட காலமாக அவரை நீக்கக் கோரி வரும் அவர்கள் இப்போது டெல்லியில் முகாமிட்டு தலைமையுடன் பேச அப்பாயின்மெண்ட் கேட்டு காத்துள்ளனர்.

இவர்களுடன் புதுச்சேரி காங்கிரஸ் பார்வையாளர் அருண் குமார் ஆலோசனை நடத்தினார். பட்ஜெட் கூட்டத் தொடரை அமைதியாக நடத்தி முடித்துவிட்டு டெல்லிக்கு வருமாறு அவர்களிடம் கூறியுள்ளார்.

மேலும் இவர்களுக்கு ஒத்துழைப்பு தருமாறு முதல்வர் ரங்கசாமியிடமும் அருண்குமார் வலியுறுத்தியதாகத் தெரிகிறது.