ஆசிரியர் பயிற்சி விண்ணப்பம்-நாளை முதல் விநியோகம்

சென்னை: ஆசிரியர் பயிற்சி மற்றும் உடற்பயிற்சி ஆசிரியர் படிப்புக்கு நாளை முதல் விண்ணப்பம் வழங்கப்படுகின்றன.

தமிழகம் முழுவதும் உள்ள மாவட்ட ஆசிரியர் பயிற்சி மையங்கள் மற்றும் அரசு ஆசிரியர் பயிற்சி நிறுவனங்களில் இந்த விண்ணப்பங்கள் வழங்கப்படுகின்றன. நாளை (15ம் தேதி) முதல் விண்ணப்பங்களை பெறலாம்.

பிளஸ்டூ தேர்ச்சி பெற்று மொத்த மதிப்பெண்ணில் 540 மதிப்பெண்கள் எடுத்த மாணவர்கள் இந்த படிப்புக்கு விண்ணப்பிக்கலாம். ஆதிதிராவிடர் மற்றும் பழங்குடியின மாணவர்கள் தேர்ச்சி பெற்றிருந்தாலே போதும்.

இப்பிரிவு மாணவர்கள் ரூ.250யும், இதர பிரிவினர் ரூ.500 செலுத்தியும் விண்ணப்பங்களை பெற்றுக் கொள்ளலாம். பூர்த்தி செய்யப்பட்ட விண்ணப்பங்கள் 31ம் தேதிக்குள் சம்பந்தப்பட்ட ஆசிரியர் பயிற்சி நிறுவனங்களில் ஒப்படைக்க வேண்டும்.

அங்கீகரிக்கப்பட்ட பயிற்சி பள்ளிகளை உறுதிப்படுத்திக் கொண்டு விண்ணப்பி்க்குமாறு மாணவர்களுக்கு கல்வித்துறை அதிகாரிகள் அறிவுறுத்தியுள்ளனர்.