12 தலிபான்களை யுஎஸ் வீரர்கள் சுட்டு கொலை

காபூல்: ஆப்கனில் அமெரிக்க படைகளுடன் நடந்த கடும் துப்பாக்கிச் சண்டையில் 12 தலிபான்கள் சுட்டுக் கொல்லப்பட்டனர்.

ஆப்கன் தெற்கு பகுதியில் ஹல்மந்த் மாகாணத்தில் அமெரிக்க படையினர் ரோந்து பணியில் ஈடுபட்டிருந்தனர். அப்போது அவர்களை குறிவைத்துதலிபான்கள் தாக்குதல் நடத்தினர். இதையடுத்து பதில் நடவடிக்கையாக அமெரிக்க பாதுகாப்பு படையினர் நடத்திய தாக்குதலில் 12 தலிபான்கள் கொல்லப்பட்டனர்.

மேலும் அப்பகுதியில் இருந்த ஏராளமான வெடிமருந்து மற்றும் ஆயுதங்கள் பறிமுதல் செய்யப்பட்டன என்று அதிகாரிகள் தெரிவித்துள்ளனர். இத்தகவலை அமெரிக்க ராணுவம் செய்தி குறிப்பில் கூறியுள்ளது.