மன்மோகன் சிங்குக்கு கேட்ராக்ட் ஆபரேஷன்

டெல்லி: பிரதமர் மன்மோகன் சிங்குக்கு இன்று காலை டெல்லி அகில இந்திய மருத்துவ விஞ்ஞானக் கழகத்தில் உள்ள கண் மருத்துவமனையில் கண்புரையை அகற்றுவதற்கான அறுவைச் சிகிச்சை நடந்தது.

75 வயதாகும் பிரதமர் மன்மோகன் சிங்கின் வலது கண்ணில் கேட்ராக்ட் எனப்படும் கண்புரை ஏற்பட்டது. இதையடுத்து அதை அறுவைச் சிகிச்சை மூலம் அகற்ற தீர்மானிக்கப்பட்டது.

இதைத் தொடர்ந்து அகில இந்திய மருத்து விஞ்ஞானக் கழகத்தில் உள்ள ராஜேந்திர பிரசாத் கண் அறிவியல் மையத்தில் இன்று காலை லேசர் அறுவைச் சிகிச்சை நடந்தது.

அறுவைச் சிகிச்சை முடிந்த பின்னர் பிரதமர் மன்மோகன் சிங் வீடு திரும்பினார். நாளை முதலே அவர் தனது வழக்கமான பணிகளைப் பார்க்கலாம் என டாக்டர்கள் தெரிவித்துள்ளனர்.