• search
For Quick Alerts
ALLOW NOTIFICATIONS  
For Daily Alerts

அரசு நிலத்தை பட்டா போட்ட மூவர் குண்டர் சட்டத்தில் கைது

By Staff
|

சென்னை: சென்னை அருகே அரசு நிலத்தை பிளாட் போட்டு பலருக்கு விற்ற 3 பேரை போலீஸார் கைது செய்து அவர்களை குண்டர் சட்டத்தின் கீழ் சிறையில் அடைத்தனர்.

சென்னையை அடுத்த திருவேற்காட்டில் கோலடி, சுந்தர சோழவரம், அயனம்பாக்கம் ஆகிய ஊர்களில் கடந்த 10 வருடமாக ரியல் எஸ்டேட் அதிபர்கள் சிலர் பிளாட் போட்டு நிலங்களை விற்று வந்தனர். சென்னைக்கு அருகில் நிலம் கிடைக்கிறதே என்பதால் பலர் லட்சக்கணக்கில் பணம் கொடுத்து பிளாட் வாங்கினர்.

செல்வகணபதி நகர் என்ற பெயரில் ஒரு நகரையே உருவாக்கி விற்றனர். ஆனால் இந்த இடங்கள் அனைத்தும் அரசுக்கு சொந்தமான இடம் என்பது தெரியவந்துள்ளது.

ராணுவ குடியிருப்புகளுக்காக ஒதுக்கப்பட்ட இடத்தையும், புறம்போக்கு இடத்தையும் திருவேற்காடு ரியல் எஸ்டேட் அதிபர் சத்தியா என்ற சத்தியநாதன் (வயது 42), அவரது கூட்டாளிகள் செம்பரம்பாக்கம் வீரமுத்து (வயது 26), நேமம் கோபால் (வயது 50) ஆகியோர் பிளாட்களாக போட்டு விற்று வந்துள்ளனர்.

இவர்கள் ஏமாற்றி விற்பது தற்போது தெரியவந்ததால் பணம் கொடுத்து வாங்கியவர்கள் பணத்தை திரும்ப கேட்டனர். ஆனால் அடியாட்களை வைத்தும், கத்தியைக் காட்டி மிரட்டியும் அவர்களை விரட்டியுள்ளனர் ரியல் எஸ்டேட் முதலைகள்.

இதையடுத்து ஏமாந்தவர்கள் போலீஸில் புகார் கொடுத்தனர். இதைத் தொடர்ந்து போலீஸார் நடவடிக்கையில் இறங்கி சத்தியநாதன், வீரமுத்து, கோபால் ஆகியோரைக் கைது செய்தனர்.

அரசு இடத்தையும், ஏரி புறம் போக்கு இடத்தையும் போலி பட்டா தயார் செய்து ஒரே இடத்தை 10 பேர்களுக்கு மேல் ஏமாற்றி விற்றதும் கண்டுபிடிக்கப்பட்டது. போலி வரைபடம் தயாரித்து மனை உருவாக்கி அதை லட்சக்கணக்கில் விற்றும் வந்துள்ளனர்.

பத்திரபதிவு அலுவலகத்தில் ஒவ்வொரு இடத்துக்கும் 5 அடி, 10 அடி குறைத்து பதிவு செய்து வில்லங்கத்தில் கண்டுபிடிக்க முடியாதபடி விற்றுள்ளனர்.

மிகப் பெரிய அளவில் இந்தக் கும்பல் மோசடி செய்திருந்ததால் அவர்களை குண்டர் சட்டத்தில் கைது செய்ய மாநகர காவல்துறை ஆணையர் நாஞ்சில் குமரனுக்குப் பரிந்துரை செய்தனர். இதை ஏற்ற மாநகர ஆணையர், 3 பேரையும் குண்டர் சட்டத்தின் கீழ் கைது செய்ய உத்தரவிட்டார். இதையடுத்து 3 பேரும் குண்டர் சட்டத்தின் கீழ் கைது செய்யப்பட்டனர்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X