எஸ்எஸ்எல்சி: மாணவிகள் 83.9% - மாணவர்கள் 77.8% தேர்ச்சி

தமிழகத்தில் எஸ்எஸ்எல்சி தேர்வு முடிவுகள் இன்று வெளியாயின.

இதில் மொத்தம் 80.9 சதவீத மாணவ, மாணவிகள் தேர்ச்சி பெற்றுள்ளனர். இவர்களில் மாணிகள் 83.9 சதவீதமும், மாணவர்கள் 77.8 சதவீதமும் தேர்ச்சியடைந்துள்ளனர்.

கணிதப் பாடத்தில் 11,605 மாணவ, மாணவிகளும், அறிவியல் பாடத்தில் 1,591 பேரும், வரலாறு-புவியியல் பாடத்தில் 272 பேரும் 100க்கு 100 மதிப்பெண் பெற்றுள்ளனர்.

தேர்ச்சி விகிதம் கடந்த ஆண்டை விட இந்த ஆண்டு 1.4 சதவீதம் அதிகரித்துள்ளது. மாணவர்களின் தேர்ச்சி விகிதம் 1 சதவீதமும், மாணவிகளின் தேர்ச்சி விகிதம் 0.9 சதவீதமும் அதிகரித்துள்ளது.

இந்த ஆண்டு மொத்தம் 8,86,091 மாணவ-மாணவிகள் பத்தாம் வகுப்பைத் தேர்வை எழுதியது குறிப்பிடத்தக்கது.

மெட்ரிகுலேசன்: தேர்ச்சி 93.5%

மெட்ரிகுலேசன் தேர்வை மொத்தம் 1,09,634 மாணவ-மாணவிகள் எழுதினர். இதில் 93.5 சதவீதம் பேர் தேர்ச்சியடைந்துள்ளது. இவர்களில் மாணவிகள் 95 சதவீதம், மாணவரிகள் 92.3 சதவீதத்தினர் ஆவர்.

கணிதப் பாடத்தில் 2,087 பேரும், அறிவியலில் 355 பேரும் 100க்கு நூறு மதிப்பெண் பெற்றுள்ளனர்.

ஆங்கிலோ இந்தியன்: தேர்ச்சி 97.4%

ஆங்கிலோ இந்தியன் பள்ளித் தேர்வை மொத்தம் 4,686 பேர் எழுதினர். இதில் மாணவர்கள் 96.3 சதவீதமும், மாணவிகள் 98.1 சதவீதமும் தேர்ச்சியடைந்துள்ளனர். மொத்த தேர்ச்சி விகிதம் 97.4 சதவீதமாகும்.

ஓஎஸ்எல்சி: தேர்ச்சி 87.8%

ஓஎஸ்எல்சி தேர்வை எழுதிய 1,420 பேரில் 90.8 சதவீத மாணவிகளும், 84.7 சதவீத மாணவர்களும் தேர்ச்சி அடைந்துள்ளனர்.