ஆக்ஸிஜன் சிலிண்டர் வெடித்து டாக்டர் காயம்!

திருச்சி: திருச்சி மாவட்டம் தா.பேட்டையில் உள்ள அரசு ஆரம்ப சுகாதார மருத்துவமனையில் ஆக்ஸிஜன் சிலிண்டர் வெடித்தது. இதில் டாக்டர் ஒருவர் காயமடைந்தார்.

இந்த மருத்துவமனையில் பெருகனூரை சேர்ந்த கோவிந்தராஜின் மனைவி பாப்பாத்தி பிரசவத்திற்காக சேர்க்கப்பட்டுள்ளார். அவரை பரிசோதனை செய்த டாக்டர் இன்சுவை, அவருக்கு மூச்சு திணறல் இருந்ததால் ஆக்ஸிஜன் வழங்க முயன்றார்.

சிலிண்டர் வால்வை அவர் திறந்தபோது அது வெடித்து சிதறியது. இதில் டாக்டர் இன்சுவைக்கு காயம் ஏற்பட்டது. அதே மருத்துவமனையில் அவர் சிகிசைக்காக சேர்க்கப்பட்டார்.