அரசு பள்ளிகளில் சிறப்பு கட்டணம் ரத்து

சென்னை: அரசு மற்றும் அரசு உதவிபெறும் பள்ளிகளில் சிறப்புக் கட்டணம் ரத்து செய்யப்பட்டுள்ளது.

தமிழகத்தில் அரசு மற்றும் அரசு உதவி பெறும் பள்ளிகளில் 6-வது வகுப்பு முதல் பிளஸ்-2 வரை படிக்கும் மாணவ-மாணவிகளுக்கு சிறப்புக் கட்டணம் வசூலிக்கப்படுகிறது.

இந்த நிலையில், 6-வது வகுப்பு முதல் 8-வது வகுப்பு வரை உள்ள மாணவர்களுக்கு விளையாட்டுக் கட்டணம், ஒலி, ஒளி கல்வி கட்டணம் உள்ளிட்ட சிறப்பு கட்டணம் ரூ.32-50 ரத்து செய்யப்பட்டுள்ளது.

அதேபோல 9-வது வகுப்பு மாணவர்களுக்கு ரூ.47-50 தொகையும், 11 மற்றும் 12-வது வகுப்பு அறிவியல் பிரிவு மாணவர்களுக்கு 103 ரூபாயும், தொழில்கல்வி பிரிவினருக்கு 93 ரூபாயும், கலைப்பிரிவினருக்கு 73 ரூபாயும் ரத்து செய்யப்பட்டுள்ளது.

இது தொடர்பான அரசாணையை பள்ளிக் கல்வித் துறை வெளியிட்டுள்ளது.

இந்தக் கல்வியாண்டு முதல் இது அமலுக்கு வருகிறது.