மருத்துவமனையில் குன்னக்குடி வைத்தியநாதன்

தஞ்சை: தஞ்சையில் இசை நிகழ்ச்சியில் கலந்து கொள்ள வந்த வயலின் வித்வான் குன்னக்குடி வைத்தியநாதனுக்கு திடீர் உடல் நலக்குறை ஏற்பட்டது. இதையடுத்து அவர் மருத்துவமனையில் அனுமதிக்கப்பட்டார்.

தஞ்சையில் உள்ள ஆதி மாரியம்மன் கோவிலில் கும்பாபிஷேகம் இன்று காலை நடந்தது. இதையொட்டி கடந்த இரண்டு நாட்களாக கோவிலில் இசை நிகழ்ச்சி நடத்தப்பட்டது.

நேற்றிரவு வயலின் வித்வான் குன்னக்குடி வைத்தியநாதன் இசை நிகழ்ச்சிக்கு ஏற்பாடு செய்யப்பட்டது. அவரது குழுவினர் மேடையில் இசை நிகழ்ச்சி தயாரக இருந்தனர்.

குன்னக்குடி வைத்தியநாதன் மேடை அருகே வந்தபோது திடீரென அவருக்கு மூச்சுத் திணறல் ஏற்பட்டது. இதையடுத்து அவர் உடனடியாக சிகிச்சைக்காக தனியார் மருத்துவமனையில் அனுமதிக்கப்பட்டார்.

அங்கு அவருக்கு முதலுவி சிகிச்சை அளிக்கப்பட்டது. இன்று அவரது உடல் நிலை ஒரளவு முன்னேற்றம் கண்டுள்ளதாக டாக்டர்கள் தெரிவித்தனர்.

இதைத் தொடர்ந்து சென்னையில் உள்ள ஒரு தனியார் மருத்துவமனையில் சிகிச்சை பெற அவர் அழைத்து செல்லப்பட்டார்.