புதுச்சேரி-மணக்குள விநாயகருக்கு ரூ. 1.27 கோடியில் தங்க கவசம்

புதுச்சேரி: புதுச்சேரியின் புகழ்பெற்ற ஸ்ரீ மணக்குள விநாயகர் கோயில் மூலவருக்கு தங்க கவசம் அணிவிக்கப்பட்டது.

ஸ்ரீ மணக்குள விநாயகர் கோயில் மிகவும் பிரசித்திப் பெற்றது. இந்த கோவிலின் மூலவர் சிலைக்கு ரூ. 1.27 கோடி செலவில் 9.5 கிலோ எடையுள்ள தங்க கவசம் அணிவிக்கப்பட்டுள்ளது.

இதையொட்டி யாக பூஜை, விசேஷ ஹோம திரவியங்கள், மகா அபிஷேகம், நெய்வேத்திய தீபாராதனை, யாத்ராதான நிகழ்ச்சிகள் நடைபெற்றன.

மேலும், ரூ.6 லட்சம் செலவில் வைர கிரீடமும் அணிவிக்கப்பட்டது.
இந்த வைர கிரீடத்தில் ஒரு 'ரூபி' நவரத்தின கல் பதிக்கப்பட்டுள்ளது. இதன் மதிப்பு ரூ. 3 லட்சமாகும்.

இந் நிகழ்ச்சியில் புதுச்சேரி முதலமைச்சர் ரங்கசாமி, சட்டமன்ற உறுப்பினர் எஸ்.பி.சிவக்குமார், கலெக்டர் தேவநீதிதாஸ் உள்பட ஏராளமான பக்தர்கள் கலந்து கொண்டனர்.