சென்னையில் நாளை மதிமுக மண்டல மாநாடு

சென்னை: மதிமுக சென்னை மண்டல மாநாடு நாளை பிரமாண்ட தொண்டர் படை அணிவகுப்புடன் நடைபெறுகிறது.

மதிமுக சென்னை மண்டல மாநாடு நாளை சென்னை தீவுத்திடலில் நடைபெறுகிறது. இதுகுறித்து மதிமுக தலைமைக் கழகம் வெளியிட்டுள்ள செய்திக்குறிப்பு:

புதன்கிழமை சென்னையில் நடைபெறும் மதிமுக சென்னை மண்டல மாநாட்டையொட்டி சீருடை அணிந்த தொண்டர் படையினரின் அணிவகுப்பு நடைபெறுகிறது.

இந்த அணிவகுப்பு சரியாக மாலை 3 மணிக்கு சென்னை சேப்பாக்கம் அரசு விருந்தினர் மாளிகை அருகில் இருந்து புறப்பட்டு வாலாஜா சாலை, அண்ணாசாலை, மன்றோ சிலை வழியாக தீவுத் திடலை சென்றடையும்.

தீவுத்திடலுக்கு அருகில் அமைக்கப்பட்டுள்ள மேடையிலிருந்து கட்சியின் பொதுச் செயலாளர் வைகோ அணிவகுப்பை பார்வையிடுகிறார். மாநாட்டு நிகழ்ச்சிகள் மாலை 4 மணிக்குத் தொடங்கும் என்று தெரிவிக்கப்பட்டுள்ளது.