திருமாவளவன் மதம் என்ன?-கேட்கிறது பாஜக

சென்னை: பாஜகவை மதவாத கட்சி என்று கூறும் விடுதலைச்சிறுத்தைகள் கட்சித் தலைவர் தொல். திருமாவளவன் தான் எந்த மதத்தைச் சேர்ந்தவர் என்பதை பகிரங்கமாக அறிவிக்க முடியுமா என்று தமிழக பாஜக துணைத் தலைவர் குமாரவேலு கேட்டுள்ளார்.

இதுதொடர்பாக அவர் வெளியிட்டுள்ள அறிக்கையில், இந்து மதத்திலிருந்து மதம் மாறிச் சென்றவர்கள் தாங்கள் சென்ற மதத்தில் அடிமைத்தனமாக நடத்தப்படுகிறார்கள். இதனால் மனம் வருந்தி அவர்கள் தாய் மதம் திரும்பி வருகின்றனர்.

அதைத் தடுப்பதற்காக மதம் மாறியவர்களுக்கும் சலுகை தேவை என்கிற கோஷத்தை திருமாவளவன் முழங்குகிறார்.

இந்து மதத்தை சேர்ந்த தாழ்த்தப்பட்டவர்களுக்கு கிடைத்து வரும் சலுகையில் மதம் மாறிப் போனவர்கள் பங்குக்கு வந்தால், அதனால் பாதிக்கப்படுவது இந்து மதத்தின் தாழ்த்தப்பட்டவர்களே.

பாஜகவை வகுப்புவாத கட்சி என்று கூறும் திருமாவளவன், முதலில் தான் எந்த மதத்தை சார்ந்தவர் என்பதை பகிரங்கமாக அறிவிக்க வேண்டும் என்று கூறியுள்ளார் குமாரவேலு.