விமான படியில் தவறி விழுந்து திமுக எம்பி காயம்

சென்னை: வட சென்னை தொகுதி திமுக எம்.பி. செ.குப்புசாமி, விமானத்திலிருந்து இறங்கும்போது படிக்கட்டில் தவறி விழுந்து காயமடைந்தார்.

எம்.பி. குப்புசாமி, நேற்று இரவு 10.25 மணியளவில் டெல்லியிலிருந்து விமானம் மூலம் சென்னை வந்தார். விமானத்திலிருந்து அவர் இறங்கியபோது, படிக்கட்டில் தவறி விழுந்தார். இதில் அவருக்கு லேசான காயம் ஏற்பட்டது. தலையின் பின்புறம் லேசான அடிபட்டு விட்டது.

உடனடியாக விமான நிலைய மருத்துவக் குழுவினர்விரைந்து வந்து முதலுதவி அளித்தனர். பின்னர் அவர் வீட்டுக்குக் கிளம்பிப் போனார்.