காங். கூட்டணியில் பாமக நீடிக்கிறது: வாசன்

மதுரை: காங்கிரஸ் தலைமையிலான ஐக்கிய முற்போக்கு கூட்டணியில் பாமக நீடிக்கிறது என்று மத்திய புள்ளியியல் துறை இணை அமைச்சர் ஜி.கே. வாசன் தெரிவித்துள்ளார்.

மதுரை வந்த வாசன் செய்தியாளர்களிடம் பேசுகையில், ஐக்கிய முற்போக்கு கூட்டணி அரசின் செயல்பாட்டால் அடித்தட்டு மக்கள் பலன் அடைந்துள்ளனர்.

மத்திய அரசின் பல்வேறு பலன்களை அனுபவித்து விட்டு மாயாவதி தற்போது விலகியுள்ளார். நாடாளுமன்ற தேர்தலில் அவரது கட்சிக்கு மக்கள் தக்க பாடம் கற்பிப்பார்கள்.

விலை வாசியை கட்டுக்குள் கொண்டுவர மத்திய அரசு பல்வேறு நடவடிக்கைகளை எடுத்து வருகிறது.

தமிழகத்தில் திமுக கூட்டணியில் பாமக இல்லை என்ற நிலை ஏற்பட்டுள்ளது. அதே நேரம் மத்தியில் ஐக்கிய முற்போக்கு கூட்டணியில் பாமக நீடிக்கிறது.

அணு சக்தி ஒப்பந்தம் தொடர்பாக நிலவி வரும் சூழ்நிலையால் நாடாளுமன்றத்திற்கு திடீர் தேர்தல் வராது என்றார் அவர்