முஸ்லீம் லீக் தலைவர் பனாத்வாலா உடல் அடக்கம்

மும்பை: இந்திய யூனியன் முஸ்லீம் லீக் தலைவரும், முன்னாள் எம்.பியமான ஜி.எம்.பனாத்வாலாவின் உடல் மும்பையில் நல்லடக்கம் செய்யப்பட்டது.

மத்திய வெளியுறவுத்துறை இணை அமைச்சர் இ.அகமது, முஸ்லீம் லீக் கட்சியின் தமிழ் மாநிலத் தலைவர் காதர் மொஹைதீன் உள்ளிட்ட நூற்றுக்கணக்கானோர் உடல் அடக்க நிகழ்ச்சியில் கலந்து கொண்டனர்.

தமிழகம், கேரளா மற்றும் பல்வேறு மாநிலங்களைச் சேர்ந்த முஸ்லீம் லீக் தலைவர்களும் நிகழ்ச்சியில் பங்கேற்றனர்.

பனாத்வாலாவுக்கு துபாயில் இரங்கல்:

மறைந்த முஸ்லீம் லீக் கட்சியின் தலைவர் ஜி.எம். பனாத்வாலாவுக்கு துபாயில் நாளை இரங்கல் கூட்டம் நடைபெறவுள்ளது.

அமீரக காயிதெமில்லத் பேரவையின் சார்பில் துபாய் தேரா தமிழ் பஜாரில் உள்ள குவைத் பள்ளியில் (லூத்தா மஸ்ஜித்) அகில இந்திய முஸ்லிம் லீக் தலைவர் பனாத்வாலா மறைவுக்கு இரங்கல் கூட்டம் 27ம் தேதி நடைபெறவுள்ளது.

வெள்ளி்க்கிழமை தொழுகைக்குப் பின்னர் இந்த இரங்கல் கூட்டம் நடைபெறும்.

இதில் ஈடிஏ அஸ்கான் ஸ்டார் மேலாண்மை இயக்குநரும், ஈமான் அமைப்பின் தலைவருமான செய்யது எம்.ஸலாஹுத்தீன், புரவலர்கள், உள்ளிட்ட பலர் பங்கேற்க இருக்கின்றனர்.

மேலதிக விபரம் பெற: 050 467 4399 / 050 644 04 15 என்ற எண்களைத் தொடர்பு கொள்ளலாம்.