அண்ணா பல்கலை. துணைவேந்தராக ஜவஹர் நியமனம்

சென்னை: சென்னை அண்ணா பல்கலைக்கழகத்தின் துணைவேந்தராக டாக்டர் பி.மன்னர் ஜவஹர் நியமிக்கப்பட்டுள்ளார்.

இதற்கான உத்தரவை ஆளுநரும் பல்கலைக்கழக வேந்தருமான சுர்ஜித் சிங் பர்னாலா இன்று பிறப்பித்தார்.

அண்ணா பல்கலைக்கழக துணைவேந்தர் விஸ்வநாதன் நேற்று ஓய்வு பெற்றார். முன்னதாக புதிய துணைவேந்தரை தேர்ந்தெடுப்பதற்காக அரசு மூவர் குழுவை நியமித்தது.

அந்தக் குழு ஒரு பட்டியலை தமிழக ஆளுநருக்கு பரிந்துரை செய்தது.

அந்த பட்டியலை பரிசீலித்த ஆளுநர் பர்னாலா, அண்ணா பல்கலைக்கழகத்தின் பல்கலைக்கழக-தொழில்துறை ஒத்துழைப்பு மையத்தின் இயக்குனராக உள்ள டாக்டர் பி. மன்னர் ஜவஹரை புதிய துணைவேந்தராக நியமித்து உத்தரவிட்டுள்ளார்.

பதவியேற்கும் நாளில் இருந்து 3 ஆண்டுகளுக்கு ஜவஹர் இந்தப் பதவியில் நீடிப்பார் என ஆளுநர் மாளிகை செய்தி குறிப்பு தெரிவிக்கிறது.