பட்டதாரி பெண்கள், பிளஸ்டூ மாணவர்களுக்கு இலவச ரயில் பாஸ்: லாலு

பரூச் (குஜராத்): பட்டதாரிப் பெண்களுக்கு இலவச ரயில் பயண சலுகையும், பிளஸ்டூ வரை பயிலும் மாணவ, மாணவிகளுக்கு இலவச ரயில் பாஸும் வழங்கப்படும் என ரயில்வே அமைச்சர் லாலு பிரசாத் யாதவ் அறிவித்துள்ளார்.

குஜராத் மாநிலம் பரூச் அருகே உள்ள சம்னி கிராமத்தில், புதிய அகலப் பாதைப் பணிக்கான அடிக்கல் நாட்டு விழாவில் லாலு கலந்து கொண்டார்.

பின்னர் செய்தியாளர்களிடம் அவர் பேசுகையில், பட்டதாரிப் பெண்களுக்கு இலவச ரயில் பயண சலுகை வழங்கப்படும். அதேபோல, பிளஸ்டூ வரை பயிலும் மாணவ, மாணவிகளுக்கு இலவச ரயில் பாஸ் வழங்கப்படும்.

அணு சக்தி ஒப்பந்த இழுபறி குறித்த கேள்விக்கு அவர் பதிலளிக்கையில், மத்தியில் உள்ள கூட்டணி ஆட்சிக்கு எந்த அபாயமும் இல்லை. அதேசமயம், அணு சக்தி ஒப்பந்தமும் சிக்கலின்றி நிறைவேறும். நாடாளுமன்றத்திற்கு உரிய நேரத்தில்தான் தேர்தல்நடைபெறும். இடைத் தேர்தலுக்கு வாய்ப்பில்ைல.

நாங்களும் முலாயம் சிங்யாதவும் ஒன்றாகத்தான் இருக்கிறோம். எங்களுக்குள் எந்தப் பிரச்சினையும் இல்லை. கருத்து வேறுபாடு எதுவும் இல்லை என்றார் லாலு.