சன் டிவி..இந்த ஆண்டு லாபம் ரூ.367 கோடி!

டெல்லி: தென்னக தொலைக்காட்சிகளில் நம்பர் ஒன் இடத்தைத் தொடர்ந்து தக்கவைத்துக் கொண்டிருக்கும் சன் குழுமம் கடந்த ஆண்டை விட இந்த ஆண்டு அதிக லாபத்தை ஈட்டியுள்ளது.

கடந்த ஆண்டு இந்நிறுவனத்தின் மொத்த லாபம் ரூ.268.82 கோடி. இந்த ஆண்டு லாபம் ரூ.366.98 கோடியாக உயர்ந்துள்ளது. இது கடந்த ஆண்டை விட ரூ. 98.16 கோடி அதிகம் என்பது குறிப்பிடத்தக்கது.

சன் நெட்வொர்க்கின் மொத்த வருமானம் இந்த ஆண்டு 27.4 சதவிகிதம் உயர்ந்துள்ளது. மார்ச் 31ம் தேதியுடன் முடிவடைந்த நிதியாண்டில் மொத்த வருமானமாக ரூ.925.99 கோடியை ஈட்டியுள்ளது இந்த நிறுவனம். இது கடந்த ஆண்டு 726.40 கோடியாக இருந்தது.

இக்குழுமத்தின் நிகர லாபம் கடந்த நிதியாண்டை விட இந்த ஆண்டு 32.7 சதவிகிதம் அதிகம் என்பது குறிப்பிடத்தக்கது.

நேற்று சன் குழுமத்தின் இந்த லாப அறிவிப்பு வெளியானதைத் தொடர்ந்து இன்றைய பங்குச் சந்தையில் (சென்செக்ஸ்) ரூ.280 ஆக இருந்த சன் டிவியின் பங்குகள் ரூ.319 வரை விலை போயின.