சபாநாயகர் பதவியிலிருந்து சோம்நாத் சாட்டர்ஜி விலகுவாரா?

டெல்லி: இடதுசாரிகள் மத்திய அரசுக்கு அளித்து வரும் ஆதரவை திரும்பப் பெற்றால், லோக்சபா சபாநாயகர் பதவியிலிருந்து சோம்நாத் சாட்டர்ஜியும் பதவி விலகுவாரா என்ற எதிர்பார்ப்பு எழுந்துள்ளது.

அணு சக்தி ஒப்பந்த விவகாரத்தில் மத்திய அரசுக்கு அளித்து வரும் ஆதரவை திரும்பப் பெறும் முடிவில் இடதுசாரிகள் உள்ளன.

இந்த நிலையில் அப்படி ஆதரவு வாபஸ் பெறப்பட்டால், மார்க்சிஸ்ட் கம்யூனிஸ்ட் கட்சியைச் சேர்ந்த சோம்நாத் சாட்டர்ஜி, தனது சபாநாயகர் பதவியை ராஜினாமா செய்வாரா என்ற எதிர்பார்ப்பு எழுந்துள்ளது.

இதுகுறித்து மார்க்சிஸ்ட் கம்யூனிஸ்ட் கட்சியின் பொலிட்பீரோ குழு உறுப்பினர் சீதாராம் எச்சூரி கூறுகையில், இதுகுறித்து பொலிட்பீரோவில் விவாதிக்கப்படவில்லை. இதுதொடர்பாக வெளியாகும் செய்திகள் மீடியாக்களின் ஊகம்தான் என்று தெரிவித்துள்ளார்.

ஆனால் இடதுசாரிகள், மத்திய அரசுக்கு அளித்து வரும் ஆதரவை வாபஸ் பெற்றால் சோம்நாத்சாட்டர்ஜியும் தனது பதவியை ராஜினாமா செய்வார் என்றே எதிர்பார்க்கப்படுகிறது.