சோனியா-பிரதமருடன் முலாயம்-அமர்சிங் சந்திப்பு

டெல்லி: முன்னாள் ஜனாதிபதி அப்துல் கலாமை சந்தித்து அணு ஒப்பந்தம் குறித்து விவாதித்துவிட்டு, ஒப்பந்தத்குக்கு ஆதரவு தெரிவித்த சமாஜ்வாடி கட்சியின் தலைவர் முலாயம் சிங் யாதவ், பொதுச் செயலாளர் அமர் சிங் இருவரும் இன்று காலை காங்கிரஸ் தலைவர் சோனியாவையும் பிரதமரையும் சந்த்தித்துப் பேசினர்.

இதன்மூலம் ஒப்பந்தத்துக்கும் ஆட்சிக்கும் ஆதரவு தர முலாயம் முன் வந்துவிட்டதாகத் தெரிகிறது.

ஆனால், இச் சந்திப்புக்குப் பின் நிருபர்களிடம் பேசிய முலாயம், காங்கிரஸை ஆதரிப்பது குறித்து இன்னும் இறுதி முடிவு எடுக்கவில்லை என்றார். (அதற்கு அவர் சில நிபந்தனைகளைப் போட்டுவிட்டு காங்கிரசுடன் ரகசிய 'bargain' செய்து கொண்டிருப்பது குறிப்பிடத்தக்கது).

இச் சந்திப்புக்கு முன் மத்திய அமைச்சர்கள் பிரணாப் முகர்ஜி, ஏ.கே.அந்தோணி உள்ளிட்டோருடன், காங்கிரஸ் தலைவர் சோனியாகாந்தி முக்கிய ஆலோசனை நடத்தினார்.

இந்த சந்திப்பின்போது சோனியா காந்தியின் அரசியல் ஆலோசகரும், பொதுச் செயலாளருமான அகமது படேலும் உடன் இருந்தார். ஒரு மணி நேரம் இந்த கூட்டம் நடந்தது.