நரேந்திர மோடி இன்று சென்னை வருகை

சென்னை: குஜராத் முதல்வர் நரேந்திர மோடி ஒரு நாள் பயணமாக இன்று சென்னை வருகிறார். இதையொட்டி பலத்த பாதுகாப்புக்கு ஏற்பாடு செய்யப்பட்டுள்ளது.

இன்று மாலை 4.15 மணிக்கு சிறப்பு விமானம் மூலம் அகமதாபாத்திலிருந்து சென்னைக்கு வருகிறார் மோடி. பின்னர் ஹோட்டலில் தங்கும் அவர் சென்னை அரும்பாக்கம் டிஜி. வைஷ்ணவக் கல்லூரியில், குஜராத்தி சங்கம் ஏற்பாடு செய்துள்ள நிகழ்ச்சியில் பங்கேற்கிறார்.

அந்த நிகழ்ச்சியை முடித்துக் கொண்டு இரவு 10 மணிக்கு அகமதாபாத் புறப்பட்டுச் செல்கிறார்.

மோடியின் சென்னை வருகை முற்றிலும் தனிப்பட்ட பயணம். இது அரசியல் பயணமல்ல என்று பாஜக தரப்பில் தெரிவிக்கப்பட்டுள்ளது.

மோடி இசட் பிளஸ் பாதுகாப்பின் கீழ் இருப்பதால் சென்னை போலீஸார் விரிவான பாதுகாப்புக்கு ஏற்பாடு செய்துள்ளனர்.