திருநாவுக்கரசர் பிறந்த நாள் - கருணாநிதி வாழ்த்து

சென்னை: முன்னாள் மத்திய அமைச்சரும், பாஜக தேசிய செயலாளருமான திருநாவுக்கரசர் இன்று தனது 60வது பிறந்த நாளை கொண்டாடினார். அவருக்கு முதல்வர் கருணாநிதி, பாஜக தலைவர்கள் உள்ளிட்டோர் வாழ்த்து ெதரிவித்னர்.

திருநாவுக்கரசர் இன்று தனது 60-வது பிறந்தநாளைக் கொண்டாடினார். இதனை முன்னிட்டு முன்னாள் பிரதமர் வாஜ்பாய், நாடாளுமன்ற எதிர்க்கட்சித் தலைவர் எல்.கே.அத்வானி, பாஜக தலைவர் ராஜ்நாத் சிங், முன்னாள் அமைச்சர்கள் ரவிசங்கர் பிரசாத், சுஷ்மா சுவராஜ், ஜஸ்வந்த் சிங் ஆகியோர் தொலைபேசியில் தொடர்பு கொண்டு வாழ்த்து தெரிவித்தனர்.

முதல்வர் கருணாநிதியும் தொலைபேசியில் தொடர்பு கொண்டு திருநாவுக்கரசரை வாழ்த்தினார்.

இந்து முன்னணி தலைவர் ராமகோபாலன், மத்திய அமைச்சர்கள் ஜி.கே.வாசன், ஈவிகேஎஸ் இளங்கோவன், முன்னாள் அமைச்சர் ஆர்.எம்.வீரப்பன், தமிழக காங்கிரஸ் தலைவர் குமரிஅனந்தன் ஆகியோரும் வாழ்த்து தெரிவித்தனர்.

மாநில பாஜக தலைவர் இல.கணேசன், மத்திய அமைச்சர் ரகுபதி, நடிகர் விவேக், நடிகை லதா ஆகியோர் நேரில் சந்தித்து வாழ்த்து தெரிவித்தனர்.