புதுச்சேரி- புதிய கவர்னர் நாளை பதவியேற்பு

புதுச்சேரி: புதுச்சேரி கவர்னராக ராஜஸ்தானைச் சேர்ந்த கோவிந்த சிங் குஜ்ஜார் நாளை பதவியேற்று கொள்கிறார்.

புதுச்சேரியின் கவர்னராக இருந்த குமுட்மிதி மீண்டும் தீவிர அரசியலுக்கு சென்றதால் அந்த பதவி காலியாக இருந்தது. இதனால் அந்தமான் கவர்னர் போபிந்தர் சிங், புதுச்சேரி கவர்னர் பொறுப்பை கூடுதலாக கவனித்து வந்தார்.

இந்நிலையில் ராஜஸ்தான் மாநிலத்தைச் சேர்ந்த எம்எல்ஏ கோவிந்த சிங் குஜ்ஜார், புதுச்சேரி கவர்னராக நியமிக்கப்பட்டுள்ளார். இதனையடுத்து அவர் தனது எம்எல்ஏ பதவியை ராஜினாமா செய்துள்ளார்.

இன்று இரவு புதுவைக்கு வருகிறார் கோவிந்த சிங் குஜ்ஜார்ர்.

நாளை காலை கவர்னர் மாளிகையில் நடக்கும் விழாவில் புதுச்சேரி கவர்னராக அவர் பதவியேற்றுக் கொள்கிறார். அவருக்கு தலைமை நீதிபதி கிருஷ்ணராஜா பதவிப் பிரமாணமும், ரகசிய காப்பு பிரமாணமும் செய்து வைக்கின்றார்.

இந்த விழாவில் புதுச்சேரி முதல்வர் ரங்கசாமி, மற்றும் அமைச்சர்கள், எம்எல்ஏக்கள் உள்பட முக்கிய பிரமுகர்கள் கலந்து கொள்கின்றனர்.