அணு ஒப்பந்தம்: தமுமுக ஆர்ப்பாட்டம்

சென்னை: அமெரிக்காவுடனான அணுசக்தி உடன்பாட்டை எதிர்த்து தமிழ்நாடு முஸ்லிம் முன்னேற்றக் கழகத்தின் சார்பாக ஆர்ப்பாட்டம் நடைபெற்றது.

தமுமுகவின் மாநில துணை பொதுச் செயலாளர் ஜே.எஸ். ரிஃபாயி தலைமையில் நடைபெற்ற இந்த ஆர்ப்பாட்டத்தில் ஆயிரத்திற்கும் மேற்பட்டோர் பங்கேற்றனர்.

அமெரிக்காவிடம் நமது நாட்டு நலனை அடகு வைக்கும் அணு சக்தி உடன்பாட்டை மத்திய அரசு கைவிட வேண்டும். நாட்டில் மதச்சார்பற்ற சக்திகள் ஒன்று சேர்ந்திருப்பதைவிட அமெரிக்காவின் நலனே பெரிது என்று மன்மோகன் சிங் அரசு செயல்படுவதை நிறுத்திக் கொள்ள வேண்டும் என ஆர்பாட்டத்தில் பேசியவர்கள் கூறினர்.