டெல்லி: ஏர்-மொரீசியஸ் விமானத்தில் தீ

டெல்லி: டெல்லியிலிருந்து மொரீசியஸ் செல்லவிருந்த ஏர்-மொரீசியஸ் விமானத்தில் தீ விபத்து ஏற்பட்டது. டேக்-ஆப் செய்வதற்காக ரன் வேயில் ஓட அரம்பித்திருந்த நிலையில் இந்த தீ விபத்து ஏற்பட்டது.

இதையடுத்து அந்த விமானம் உடனடியாக நிறுத்தப்பட்டு தீ அணைக்கப்பட்டது. பயணிகள் அனைவரும் பாதுகாப்பாக இறக்கிவிடப்பட்டனர்.

இந்திரா காந்தி சர்வதேச விமான நிலையத்தில் இன்று பிற்பகலில் இச் சம்பவம் நடந்தது.