பிறந்தநாள்: சோம்நாத்துக்கு சோனியா வாழ்த்து

டெல்லி: லோக்சபா சபாநாயகர் சோம்நாத் சாட்டர்ஜியின் 80வது பிறந்த நாளையொட்டி அவரது இல்லத்திற்குச் சென்ற காங்கிரஸ் தலைவர் சோனியா காந்தி சோம்நாத்துக்கு வாழ்த்து தெரிவித்தார்.

தனது அரசியல் வாழ்க்கையில் மிகப் பெறும் நெருக்கடியை சந்தித்துக் கொண்டுள்ள லோக்சபா சபாநாயகர் சோம்நாத் சாட்டர்ஜி இன்று தனது 80வது பிறந்த நாளை அமைதியான முறையில் கொண்டாடுகிறார்.

இதையடுத்து அவரது இல்லத்திற்கு காங்கிரஸ் தலைவர் சோனியா காந்தி சென்று அவரை சந்தித்து பூச்செண்டு கொடுத்து வாழ்த்து தெரிவித்தார்.

சோம்நாத்தை நேற்று பிரதமர் மன்மோகன் சிங், மூத்த அமைச்சர்கள் ஆகியோர் சந்தித்து பேசினர் என்பது நினைவிருக்கலாம். இந்த நிலையில் சோனியா காந்தியும் இன்று சோம்நாத்தை சந்தித்திருப்பது அரசியல் முக்கியத்துவம் வாய்ந்ததாக கருதப்படுகிறது.