சிபிஎம்: ஹர்கிஷன் சிங் சுர்ஜித் கவலைக்கிடம்

நோய்டா: மார்க்சிஸ்ட் கம்யூனிஸ்ட் கட்சியின் மூத்த தலைவர்களில் ஒருவரான ஹர்கிஷன் சிங் சுர்ஜித் (வயது 92) மிகவும் கவலைக்கிடமாக உள்ளார்.

சில மாதங்களுக்கு முன்பு உடல் நலம் பாதிக்கப்பட்டு சுர்ஜித் மருத்துவமனையில் அனுமதிக்கப்பட்டு சிகிச்சை பெற்று வந்தார். பின்னர் உடல்நலம் தேறிய அவர் வீடு திரும்பினார்.

இந்த நிலையில் ஜூலை 7ம் தேதி அவருக்கு மீண்டும் உடல் நலம் பாதித்தது. இதையடுத்து நோய்டாவில் உள்ள மெட்ரோ மருத்துவமனையில் அவர் அனுமதிக்கப்பட்டார்.

அவரது நிலை இன்று மோசமடைந்தது. அவர் கவலைக்கிடமாக இருப்பதாக அவருக்கு சிகிச்சை அளித்து வரும் டாக்டர் புருஷோத்தம் லால் தெரிவித்துள்ளார்.

சுர்ஜித்துக்கு செயற்கை சுவாசம் அளிக்கப்பட்டு வருவதாகவும், அவரது உடல் நிலை தீவிரமாக கண்காணிக்கப்பட்டு வருவதாகவும் டாக்டர் புருஷோத்தம் லால் தெரிவித்துள்ளார்.