டெல்லி பிரகதி மைதானத்தில் பயங்கர தீவிபத்து

டெல்லி: டெல்லியில் உள்ள மிகப் பெரும் பொருட்காட்சி அரங்கமான பிரகதி மைதானத்தில் பெரும் தீவிபத்து ஏற்பட்டது. தீயணைப்புப் படையினர் தீயை அணைக்கும் முயற்சியில் ஈடுபடுத்தப்பட்டுள்ளனர்.

மத்திய டெல்லியில் உள்ள பிரகதி மைதானத்தில் மிகப் பெரும் பொருட்காட்சி அரங்கம் உள்ளது. இங்கு நிரந்தர காட்சி அரங்கம் உள்ளது. இங்குள்ள 7வது ஹாலில் இன்றுகாலை 8 மணியளவில்தீவிபத்து ஏற்பட்டது.

தீ மளமளவென எரிந்ததைத் தொடர்ந்து தீயணைப்புப் படையினர் விரைந்து வந்தனர். 19 தீயணைப்பு வண்டிகளில் வந்த வீரர்கள், தீயை அணைக்க போராடி வருகின்றனர்.

தீ தொடர்ந்து எரிந்து வருவதால், பதட்டம் நீடிக்கிறது. உயிரிழப்பு ஏதும் இதுவரை இல்லை என்று கூறப்படுகிறது. பொருட்சேதம் குறித்து தகவல் இல்லை.