'எல்காட்' உமாசங்கர், 4 ஐஏஎஸ் அதிகாரிகள் மாற்றம்

சென்னை: எல்காட் நிறுவன நிர்வாக இயக்குநர் சி.உமாசங்கர் உள்பட ஐந்து ஐஏஎஸ் அதிகாரிகள் இடமாற்றம் செய்யப்பட்டுள்ளனர்.

தமிழகத்தில் ஐந்து ஐஏஎஸ் அதிகாரகள் இடமாற்றம் செய்யபப்பட்டுள்ளனர். இதுதொடர்பான உத்தரவை தலைமைச் செயலாளர் எல்.கே.திரிபாதி பிறப்பித்துள்ளார்.

பணியாளர் மற்றும் நிர்வாக சீர்திருத்தங்கள் (பயிற்சி) துறையின் முதன்மைச் செயலாளர் குத்சியா காந்தி, பணியாளர் மற்றும் நிர்வாகச் சீர்த்திருத்தத் துறையின் முதன்மைச் செயலாளராக மாற்றப்பட்டு உள்ளார்.

சுயவேலை வாய்ப்பு மேம்பாட்டு நிர்வாக சிறப்பு அதிகாரி ஏ.இளங்கோவன், பணியாளர் மற்றும் நிர்வாகச் சீர்திருத்தங்கள்
(பயிற்சி) துறை முதன்மை செயலாளராக இடமாற்றம் செய்யப்பட்டுள்ளார்.

பணியாளர் மற்றும் நிர்வாகச் சீர்த்திருத்தத் துறை முதன்மைச் செயலாளர் டி.எஸ்.ஸ்ரீதர், அறிவியல் நகர துணைத் தலைவராக மாற்றப்பட்டு உள்ளார்.

எல்காட் நிறுவனத்தின் நிர்வாக இயக்குனராக இருந்த சி.உமாசங்கர், தமிழ்நாடு தொழிற்சாலை முதலீட்டுக் கழக நிர்வாக இயக்குனராக மாற்றம் செய்யப்பட்டார்.

மின் ஆளுமை இயக்குனர் மற்றும் கலை மற்றும் கலாசாரத் துறை கமிஷனராக (பொறுப்பு) பணியாற்றும் டி.உதயசந்திரன், எல்காட் நிறுவனத்தின் நிர்வாக இயக்குனராக மாற்றப்பட்டு உள்ளார் என்று தெரிவிக்கப்பட்டுள்ளது.