சிபிஐ இயக்குனராக அஷ்வனி குமார் நியமனம்

டெல்லி: மத்திய புலனாய்வு துறையின் இயக்குனராக அஷ்வனி குமார் நியமிக்கப்பட்டுள்ளார். மூத்த ஐபிஎஸ் அதிகாரியான இவர் தற்போது இமாசலப் பிரதேச டி.ஜி.பியாக பணியாற்றி வருகிறார்.

இவர் முன்பு சி.பி.ஐயின் இணை இயக்குனராக (கொள்கை) பணியாற்றியுள்ளார்.

இதுவரை சிபிஐ இயக்குனராக இருந்த விஜய் சங்கர் நேற்று பணியில் இருந்து ஓய்வு பெற்றார். இதையடுத்து தற்போது சி.பி.ஐ. சிறப்பு இயக்குனராக உள்ள எம்.எல்.ஷர்மா தான் இயக்குனராவார் என எதிர்பார்க்கப்பட்டது.

ஆனால் மத்திய அரசு அவரை ஒதுக்கிவிட்டு அஷ்வனி குமாரை இயக்குனராக நியமித்துள்ளது. இவர் ஷர்மாவை விட ஜூனியர் ஆவார்.

இவர் வரும் 2010ம் ஆண்டு நவம்பர் 30ம் தேதி வரை இந்தப் பதவியில் இருப்பார்.