கர்நாடகாவில் இன்று குசேலன் ரிலீஸ்!

பெங்களூர்: ஒகேனக்கல் பிரச்சினையில் தன்னுடைய பேச்சுக்கு கன்னட அமைப்புகளிடம் ரஜினி வருத்தம் தெரிவித்ததைத் தொடர்ந்து, கர்நாடகா முழுவதும் இன்று குசேலன் வெளியாகிறது.

ரஜினி வருத்தம் தெரிவித்து, தனது நிலையைத் தெளிவாக்கிவிட்டதால், பிரச்சினையை முடிவுக்குக் கொண்டு வருவதாக கன்னட ரக்ஷண வேதிகே அமைப்பினர் மற்றும் வாட்டாள் நாகராஜ் ஆகியோர் அறிவித்துள்ளனர்.

இதைத் தொடர்ந்து இன்று காலை 8 மணிக்கே சில திரையரங்குகளில் குசேலனை திரையிடத் தொடங்கிவிட்டரனர்.

பெங்களூரில் மட்டும் ஐநாக்ஸ் உள்பட 17 திரையரங்குகளில் குசேலன் திரையிடப்பட்டுள்ளது.

குசேலன் விவகாரத்தில் மேற்கொண்டு எவ்வித அசம்பாவிதமும் நடக்காமலிருக்க விரிவான பாதுகாப்பு ஏற்பாடுகள் செய்யப்பட்டிருப்பதாகவும், படம் எவ்விதத் தடங்கலுமின்றி ஓட உரிய பாதுகாப்பு தரப்படும் என்றும் பெங்களூரு கூடுதல் கமிஷனர் எம்.ஆர்.பூஜார் தெரிவித்துள்ளார்.

தமிழர்கள் அதிகம் வசிக்கும் இதர பகுதிகளிலும் இந்தப் படம் குறைந்தளவு பிரிண்டுகளுடன் ரிலீசாகியுள்ளது.