சென்னை மாநகருக்கு கூடுதல் பேருந்துகள்

சென்னை: சென்னை மாநகர் மக்களின் தேவையைக் கருத்தில் கொண்டு மேலும் 30 புதிய பேருந்துகள் இயக்கப்பட உள்ளன.

முதலமைச்சரின் திட்டப்படி இந்த வருட இறுதிக்குள் 4 ஆயிரம் பேருந்துகள் இயக்கப்பட வேண்டும்.

மாநகர போக்குவரத்துக் கழகத்தில் தற்போது 3,093 பேருந்துகள் உள்ளன. மேலும் 30 புதிய பேருந்துகள் வாங்கப்பட்டு இந்த மாதத்திலிருந்து இயக்கப்பட உள்ளன. இதில் டீலக்ஸ் மற்றும் சாதாரண பேருந்துகளும் அடக்கம்.

இதன்மூலம் கும்மிடிபூண்டி, திருவள்ளூர், மாமல்லபுரம், மறைமலைநகர், பொன்னேரி, பழவேற்காடு போன்ற புறநகர் பகுதிகளுக்கும் தடையின்றி இனி பேருந்து சேவை கிடைக்கும் என மாநகர போக்குவரத்துக் கழகம் அறிவித்துள்ளது.