அமெரிக்கா-வீட்டின் மீது விமானம் மோதி 4 பேர் பலி

ஓரேகோன்: அமெரி்க்காவின் ஓரேகோன் நகரில் சிறிய விமானம் வீட்டின் மீது மோதியதில் 4 பேர் பலியாயினர்.

ஏவியேசன் அவென்செர்ஸ் என்ற தனியார் நிறுவனத்துக்கு சொந்தமான அந்த செஸ்னா ரக, 2 சீட்கள் கொண்ட விமானம் அமெரிக்காவின் மேற்கு கடலோர மாகாணமான ஓரேகோனில் உள்ள ஒரு கடலோர ரிசார்ட்டில் இருந்து புறப்பட்டது.

இதை வாடகைக்கு எடுத்த இருவர் பறக்க ஆரம்பித்த சில வினாடிகளிலேயே விமானம் ரிசார்ட்டில் உள்ள ஒரு மரத்தின் மீது மோதியது. இதைத் தொடர்ந்து அருகே இருந்த ஒரு வீட்டின் மீது மோதி வெடித்துச் சிதறியது.

இதில் விமானத்தில் இருந்த இருவரும் வீட்டில் இருந்த இரு குழந்தைகளும் பலியாயினர். மேலும் வீட்டிலிருந்த 4 பேர் காயமடைந்தனர். இதில் அருகே இருந்த இன்னொரு வீடும் சேதமடைந்தது.