அய்யனன் அம்பலம் மனைவிக்கு பென்சன்

சென்னை: மறைந்த எம்எல்சி அய்யனன் அம்பலத்தின் மனைவி மகமாயிக்கு மாதநதிர பென்சன் வழங்குவதற்கான உத்தரவை முதல்வர் கருணாநிதி வழங்கினார்.

1970ம் ஆண்டு முதல் 76ம் ஆண்டு தமிழக மேலவை உறுப்பினராக இருந்தவர் அய்யனன் அம்பலம். மதுரை மாவட்ட பகுதியில் முக்கிய தலைவராக இருந்தவர்.

இவரது மறைவையடுத்து அவரது மனைவி மகமாயி பொருளாதாரரீதியில் சிரமப்பட்டு வந்தார். இதையடுத்து அவருக்கு பென்சன் வழங்க உத்தரவிட்டார் கருணாநிதி.

இந் நிலையில் இன்று தலைமைச் செயலகத்தில் மகமாயியிடம் மாதம் ரூ. 3,000 பென்சனுக்கான உத்தரவை முதல்வர் வழங்கினார். 2007ம் ஆண்டு ஏப்ரல் முதல் இந்த பென்சன் அமலுக்கு வருவதாக அறிவிக்கப்பட்டுள்ளது.

இந்த இடைப்பட்ட காலத்துக்கான நிதியான ரூ. 48,000த்தையும் மகமாயியிடம் கருணாநிதி வழங்கினார்.