சென்னை - சேலம் சூப்பர் பாஸ்ட் எக்ஸ்பிரஸ் ஓடத் தொடங்கியது

சென்னை: சென்னை எழும்பூர் - சேலம் இடையிலான புதிய சூப்பர் பாஸ்ட் எக்ஸ்பிரஸ் ரயிலை ரயில்வே இணை அமைச்சர் ஆர்.வேலு கொடியசைத்து தொடங்கி வைத்தார்.

எழும்பூர் ரயில் நிலையத்தில் நடந்த இற்கான விழாவில் மத்திய சட்டத்துறை இணை அமைச்சர் கே.வெங்கடபதி தலைமை தாங்கினார். தமிழக செய்தி விளம்பரத்துறை அமைச்சர் பரிதி இளம்வழுதி, மேயர் சுப்ரமணியன் ஆகியோரும் கலந்து கொண்டனர்.

இந்த ரயில் தினசரி எழும்பூரிலிருந்து இரவு 11.20 மணிக்குக் கிளம்பி சேலத்தை அடுத்த நாள் காலை 5.45 மணிக்கு சென்றடையும்.

மறு மார்க்கத்தில் சேலத்திலிருந்து 9.40 மணிக்குக் கிளம்பி சென்னையை காலை 4 மணிக்கு வந்தடையும்.

தாம்பரம், செங்கல்பட்டு, மேல்மருவத்தூர், திண்டிவனம், விழுப்புரம், விருத்தாச்சலம், சின்ன சேலம், ஆத்தூர், வாழப்பாடி கேட், அயோத்தியாபட்டணம் வழியாக சேலத்தை சென்றடையும்.