மத்திய அமைச்சர் பதவியில் விருப்பமில்லை: அமர்சிங்

டெல்லி: மத்திய அமைச்சர் பதவி வகிக்க எனக்கு விருப்பம் இல்லை. ஆனால் நான் அமைச்சராக வேண்டும் என சமாஜ்வாடி கட்சியினர் விரும்புகின்றனர் என்று சமாஜ்வாடி கட்சியின் பொதுச் செயலாளர் அமர்சிங் கூறியுள்ளார்.

தனியார் டிவி ஒன்றுக்கு அவர் அளித்த பேட்டியில், உத்தர பிரதேசத்தில் காங்கிரஸ் கட்சி மக்களின் ஆதரவை இழந்துவிட்டது. சமாஜ்வாடி கட்சியின் ஆதரவு இல்லாவிட்டால் காங்கிரஸூக்கு அந்த மாநிலத்தில் எதிர்காலம் இல்லை. அரசுக்கு ஆதரவு அளிப்பதால் இடதுசாரிகளை போல நாங்கள் செயல்பட மாட்டோம்.

மத்தியில் அமைச்சராகும் எனக்கு விருப்பம் இல்லை. அதே சமயம் நான் அமைச்சரானால் கட்சிக்கு நல்லது என்று கட்சியினர் விரும்புகின்றனர்.

நான் அமைச்சராக இருந்தாலும் இல்லாவிட்டாலும் பிரதமர் மன்மோகன் சிங்கின் நிர்வாக தலைமையை ஏற்றுக் கொண்டுதான் ஆக வேண்டும்.

மக்களவை தேர்தலுக்கு முன் உத்தர பிரதேசத்தில் காங்கிரஸ் கட்சியுடன் உடன்பாடு செய்து கொள்ள இப்போது அவசரப்படவில்லை. ஆனால் அந்த மாநில காங்கிரஸ் கமிட்டி தேர்தலுக்கு முன்பாக தொகுதி உடன்பாடு செய்து கொள்ள விரும்புகிறது என்றார்.