வேலைக்கு ஆள் சேர்ப்பதை குறைக்கும் இன்போசிஸ்

பெங்களூர்: இன்போசிஸ் நிறுவனம் இந்த ஆண்டு வேலைக்கு ஊழியர்களை சேர்ப்பதை 29 சதவீதம் குறைக்க முடிவு செய்துள்ளது.

கடந்த ஆண்டு இந்த நிறுவனம் 35,000 ஊழியர்களை சேர்த்தது. இந்த ஆணடு இதை 25,000 ஆகக் குறைக்க முடிவு செய்துள்ளதாக இன்போசிஸ் அறிவித்துள்ளது. இது கிட்டத்தட்ட 29 சதவீதம் வெட்டு ஆகும்.

இந்த 25,000 பேரில் 18,000 பேரை கேம்பஸ் இன்டர்வியூக்கள் மூலம் தேர்வு செய்ய முடிவு செய்யப்பட்டுள்ளதாக அந்த நிறுவனத்தின் துணைத் தலைவரும் எச்.ஆர். பிரிவின் தலைவருமான நந்திதா குஜ்ஜார் கூறினார்.

ஆனால், அமெரிக்கா உள்ளிட்ட பல நாடுகளில் ஏற்பட்டுள்ள பொருளாதார தேக்கத்தால் ஊழியர்கள் சேர்ப்பை குறைக்கவில்லை என்று அவர் கூறியுள்ளார்.

அடிப்படை கட்டமைப்பு வசதியின்மை மற்றும் பிஸினஸ் திட்டங்களில் ஏற்பட்டுள்ள சில மாற்றங்களே இதற்குக் காரணம் என்றார்.