பினாகா ராக்கெட் லாஞ்சர் சோதனை இந்தியா வெற்றி!

பாலாசூர்: முற்றிலும் இந்தியத் தொழில்நுட்பத்தில் உருவாக்கப்பட்ட பினாகா ராக்கெட் லாஞ்சர் சோதனை வெற்றிகரமாக நடத்தப்பட்டுள்ளது.

புதிய தொழில்நுட்பங்களுடன் முழுக்க முழுக்க உள்நாட்டிலேயே வடிவமைக்கப்பட்ட ராக்கெட் லாஞ்சர் பினாகா. இந்த ராக்கெட் லாஞ்சர் ஒரிஸா மாநிலம் பாலாசூர் மாவட்டம் சந்திப்பூர் கடல் பகுதியில் நேற்று வெற்றிகரமாக சோதனை செய்யப்பட்டது.

இந்த லாஞ்சர் மூலம் 1.2 டன் எடையுள்ள வெடிபொருட்கள் கொண்ட 12 ராக்கெட்டுகளை 44 வினாடிகளுக்குள் ஏவ முடியும்.

ஏற்கனவே பினாகா ராக்கெட் லாஞ்சர் கார்கில் போரின்போது பயன்படுத்தபப்ட்டுள்ளது. தற்போது பரிசோதிக்கப்பட்டிருப்பது, அதி நவீன மேம்படுத்தப்பட்ட லாஞ்சர் ஆகும்.