ஊனமுற்ற மாணவர்களுக்கு இலவச கல்வி

கோவை: கோவை பாரதியார் பல்கலைகழகம் தமிழகத்தில் உள்ள ஊனமுற்ற மாணவர்களுக்கு இலவச கல்வி வழங்க முன்வந்துள்ளது.

பாரதியார் பல்கலைக்கழகத்தில் தொலைதூரக் கல்வி மையம் வழங்கி வரும் இளநிலை, முதுநிலை, பட்ட மற்றும் பட்டய படிப்புகளை தமிழகத்தில் உள்ள ஊனமுற்ற மாணவர்களுக்கு முற்றிலும் இலவசமாக வழங்க கோவை பாரதியார் பல்கலைக்கழகத்தின் ஆட்சி மன்றக்குழு (சிண்டிகேட்)கூட்டத்தில் முடிவு செய்யப்பட்டது.

இது குறித்து பல்கலைக்கழக துணைவேதர் திருவாசகம் கூறுகையில், ஊனமுற்ற மாணவர்களுக்கு இலவச கல்வி வழங்க தீர்மானித்துள்ளோம்.

ஊனமுற்றவர்களுக்கு ஊனத்தின் தன்மை 60 சதவீதம் இருக்க வேண்டும். அதற்குரிய சான்றுகளை முறையாக அளிப்பதும், அரசு வழங்கும் ஊனமுற்றோர் அடையாள அட்டை பெற்றிருப்பதும் மிக முக்கியமானது ஆகும்.

பல்கலைக்கழகம் சுமார் 97 படிப்புகளை தொலைதூரக்கல்வி முறை வழங்கி வருகிறது. இதில் ஏதாவது ஒரு பாடத்தை அவர்கள் தேர்வு செய்து இலவசமாக படிக்கலாம் என்றார்.