ஈரானின் ராக்கெட் சோதனை தோல்வி-அமெரிக்கா

வாஷிங்டன்: தனது ராக்கெட் மூலம் செயற்கைக் கோளை ஏவும் ஈரானின் முயற்சி தோல்வியடைந்துவிட்டதாக அமெரிக்கா தெரிவித்துள்ளது.

தானே உருவாக்கிய சாபிர்-1 என்ற ராக்கெட் மூலம் கடந்த 16ம் தேதி டம்மி செயற்கைக் கோளை விண்ணில் செலுத்தியது ஈரான்.

விரைவில் ஒமிட் (நம்பிக்கை) என்ற தொலைத் தொடர்பு செயற்கைக் கோளை ஏவப் போவதாகவும் ஈரான் அறிவித்துள்ளது.

இந் நிலையில், ஈரான் ஏவிய ராக்கெட் லிப்ட்-ஆப் ஆன சில நிமிடங்களிலேயே திறனை இழந்துவிட்டது. இதனால் அதிலிருந்ததாகக் கூறப்படும் செயற்கைக் கோள் புவி வட்டப் பாதையை (Orbit) அடையவில்லை என அமெரிக்க பாதுகாப்பு அமைச்சகம் கூறியுள்ளது.

இந்த சோதனை முழுத் தோல்வியையே சந்தித்துள்ளதாகவும் கூறியுள்ளது.