இன்டர்நெட் டிவி-மத்திய அரசு ஒப்புதல்!

டெல்லி: இன்டர்நெட் மூலமான தொலைக்காட்சி ஒளிபரப்பு (Internet Protocol TV services- ஐபிடிவி) சேவைகளை வழங்க வகைசெய்யும் ஒளிபரப்பு வழிகாட்டு நெறிமுறைகளில் செய்யப்பட்டுள்ள திருத்தங்களுக்கு மத்திய அமைச்சரவை இன்று ஒப்புதல் அளித்துள்ளது.

மத்திய அரசின் பொதுத் துறை தொலைத் தொடர்பு நிறுவனங்களான எம்.டி.என்.எல், பி.எஸ்.என்.எல், தனியார் நிறுவனங்களான பார்தி ஏர்டெல், ரிலையன்ஸ் ஆகிய நிறுவனங்கள், ஐபிடிவி சேவையை அளிப்பதற்கான தொழில்நுட்ப வசதிகளைப் பெற்றுள்ளன.

இந்நிலையில், தொலைக்காட்சி நிறுவனங்கள் தங்கள் சேவைகளை அதிவேக பிராட்பேண்ட் இன்டர்நெட் தொடர்பைப் பயன்படுத்தி வணிகரீதியாக சேவை அளிக்க (ஐபிடிவி) வகை செய்யும் ஒளிபரப்பு வழிகாட்டு நெறிமுறைகளில் செய்யப்பட்டுள்ள திருத்தத்திற்கு மத்திய அமைச்சரவை ஒப்புதல் அளித்தது.

இதன்மூலம் இனி டிஷ், கேபிள், டிடிஎச் தவிர இன்டர்நெட் வாயிலாகவும் இனி தொலைக்காட்சி சிக்னல்களைப் பெறலாம். டிவியில் மட்டுமின்றி கம்ப்யூட்டர்களிலேயே நிகழ்ச்சிகளைக் கண்டு களிக்கலாம்.